be-nishan

hameñ qayāmat kī nishāniyoñ meñ ye nahīñ batāyā gayā

ki vo mard nāpaid ho jā.eñge

jinheñ ḳhudā ne ek darje uupar rakhā

zarā un maaoñ ke duudh ko jāñcho

is ko pī ke parvān chaḌhne vaalā bachcha

be-kirdār ho jaatā hai

kisī hijḌe yā zanḳhe pe la.an-ta.an mat karo

vo apne sivā kisī kā mazāq nahīñ uḌātā

aur ab aane vaalī sadiyoñ meñ

jo nasleñ paidā hoñgī

vo kisī zanḳhe yā hijḌe se ziyāda qābil-e-rahm hoñgī

so hameñ mat dikhāo ye hasab-nasab

ham ne ye saare ġhurūr nadī nāloñ meñ bahte hue dekhe haiñ

hameñ qayāmat kī nishāniyoñ meñ ye nahīñ batāyā gayā

ki ek vaqt aisā aa.egā

jab kisī kī koī shanāḳht nahīñ hogī

hamein qayamat ki nishaniyon mein ye nahin bataya gaya

ki wo mard napaid ho jaenge

jinhen KHuda ne ek darje upar rakha

zara un maon ke dudh ko jaancho

is ko pi ke parwan chaDhne wala bachcha

be-kirdar ho jata hai

kisi hijDe ya zanKHe pe lan-tan mat karo

wo apne siwa kisi ka mazaq nahin uData

aur ab aane wali sadiyon mein

jo naslen paida hongi

wo kisi zanKHe ya hijDe se ziyaada qabil-e-rahm hongi

so hamein mat dikhao ye hasab-nasab

hum ne ye sare ghurur nadi nalon mein bahte hue dekhe hain

hamein qayamat ki nishaniyon mein ye nahin bataya gaya

ki ek waqt aisa aaega

jab kisi ki koi shanaKHt nahin hogi