بے نشان

ہمیں قیامت کی نشانیوں میں یہ نہیں بتایا گیا

کہ وہ مرد ناپید ہو جائیں گے

جنہیں خدا نے ایک درجے اوپر رکھا

ذرا ان ماؤں کے دودھ کو جانچو

اس کو پی کے پروان چڑھنے والا بچہ

بے کردار ہو جاتا ہے

کسی ہجڑے یا زنخے پہ لعن طعن مت کرو

وہ اپنے سوا کسی کا مذاق نہیں اڑاتا

اور اب آنے والی صدیوں میں

جو نسلیں پیدا ہوں گی

وہ کسی زنخے یا ہجڑے سے زیادہ قابل رحم ہوں گی

سو ہمیں مت دکھاؤ یہ حسب نسب

ہم نے یہ سارے غرور ندی نالوں میں بہتے ہوئے دیکھے ہیں

ہمیں قیامت کی نشانیوں میں یہ نہیں بتایا گیا

کہ ایک وقت ایسا آئے گا

جب کسی کی کوئی شناخت نہیں ہوگی