be-nishan

baat yuuñ ḳhatm huī

dard yuuñ gayā jaise ki sāhil hī na thā

saare altāf-o-karam bhuul ga.e

jaur-farāmosh hue

raat yuuñ biit ga.ī jaise ki niklā hī na thā

matla-e-shauq pe vo māh-e-tamām

ashk yuuñ suukh ga.e jaise ki dāman merā

us kā āñchal thā

vo paimāna-e-nāz

jaane gardish meñ hai ki TuuT gayā

maiñ zamāne ke kināre yuuñ khaḌā huuñ tanhā

jaise ek jast lagā hī dūñgā

aur kal bād-e-sahar

yuuñ miTā degī har ik naqsh-e-qadam

jaise is raah se pahle koī guzrā hī na thā

baat yun KHatm hui

dard yun gaya jaise ki sahil hi na tha

sare altaf-o-karam bhul gae

jaur-faramosh hue

raat yun bit gai jaise ki nikla hi na tha

matla-e-shauq pe wo mah-e-tamam

ashk yun sukh gae jaise ki daman mera

us ka aanchal tha

wo paimana-e-naz

jaane gardish mein hai ki TuT gaya

main zamane ke kinare yun khaDa hun tanha

jaise ek jast laga hi dunga

aur kal baad-e-sahar

yun miTa degi har ek naqsh-e-qadam

jaise is rah se pahle koi guzra hi na tha