be-niyaz
azal kī sīḌhiyoñ par lā-makāñ kī dhund meñ lipTā
bahut ḳhāmosh aur tanhā
khilaune apne chāroñ samt bikhrā.e hue
āhista-āhista
nihāyat be-niyāzī se
unheñ ik-ek kar ke purza-purza kartā rahtā hai
khilaune TūTne se
ek sā'at ke liye āvāz hotī hai
phir us ke baa'd sannāTā
muhīb-o-be-karāñ pur-haul sannāTā
abad tak bas yahī hai mashġhala us kā
khilaune toḌne se kaun us ko rok saktā hai
ki vo paidā kisī se aur na koī us se paidā hai
azal ki siDhiyon par la-makan ki dhund mein lipTa
bahut KHamosh aur tanha
khilaune apne chaaron samt bikhrae hue
aahista-ahista
nihayat be-niyazi se
unhen ik-ek kar ke purza-purza karta rahta hai
khilaune TuTne se
ek sa'at ke liye aawaz hoti hai
phir us ke ba'd sannaTa
muhib-o-be-karan pur-haul sannaTa
abad tak bas yahi hai mashghala us ka
khilaune toDne se kaun us ko rok sakta hai
ki wo paida kisi se aur na koi us se paida hai
- Book : Ek Diya Aur Ek Phool (Pg. 148)
- Author :Ishrat Afreen
- Publication : Rekhta Publications (2022)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
