be-qarari

rafta rafta ashk āñkhoñ se ravāñ hone lage

dil lagā kar duur mujh se jaan jaañ hone lage

aañkh un se jab milī to mil gayā dil ko qarār

chāñd-tāroñ meñ kiyā kartā thā maiñ un kā shumār

dil kī dhaḌkan merī uljhan be-zabāñ hone lage

rafta rafta ashk āñkhoñ se ravāñ hone lage

vo sunahrā harf thā uljhī huī tahrīr kā

maiñ musavvir thā kisī bikhrī huī tasvīr kā

dhīre dhīre pyaar meñ donoñ javāñ hone lage

rafta rafta ashk āñkhoñ se ravāñ hone lage

barf kā mausam thā phir bhī aag meñ jalte the ham

raah meñ kāñTe the phir bhī shauq se chalte the ham

aaj ham ik bhūlī-bisrī dāstāñ hone lage

rafta rafta ashk āñkhoñ se ravāñ hone lage

rafta rafta ashk aankhon se rawan hone lage

dil laga kar dur mujh se jaan jaan hone lage

aankh un se jab mili to mil gaya dil ko qarar

chand-taron mein kiya karta tha main un ka shumar

dil ki dhaDkan meri uljhan be-zaban hone lage

rafta rafta ashk aankhon se rawan hone lage

wo sunahra harf tha uljhi hui tahrir ka

main musawwir tha kisi bikhri hui taswir ka

dhire dhire pyar mein donon jawan hone lage

rafta rafta ashk aankhon se rawan hone lage

barf ka mausam tha phir bhi aag mein jalte the hum

rah mein kanTe the phir bhi shauq se chalte the hum

aaj hum ek bhuli-bisri dastan hone lage

rafta rafta ashk aankhon se rawan hone lage