be-yaqini ka phailta dhuan

maiñ daftar kī kursī pe baiThā huā

gāliyāñ bak rahā huuñ

mausam kī hiddat ko

hiddat meñ shiddat ko

hiddat kī shiddat meñ pakte hue aam ko

jo ki merā nahīñ hai

Table pe rakkhe hue kaam ko

jo abhī tak paḌā hai

havā ko

havā meñ munāfiq suroñ kī āmezish ko

kār-e-mohabbat ko

kār-e-mohabbat meñ tapte hue husn ko bhī

jise dekh kar qais kī aañkh

juftī ke sapnoñ meñ Duubī

Table pe auñdhā paḌā hai jo cigarette kā packet

maiñ kahtā huuñ yūñhī paḌā hai

maiñ piitā nahīñ huuñ

kisī din piyūñgā jiyūñgā

magar vo mirī baat par muskurātī hai

aur us kī āñkhoñ meñ ik be-yaqīnī hai

mujhe qatl kartī huī be-yaqīnī

maiñ daftar kī kursī pe baiThā huā

be-yaqīnī se us be-yaqīnī ko

gāliyāñ bak rahā huuñ

mujhe ek cigarette hī sulgā do koī

main daftar ki kursi pe baiTha hua

galiyan bak raha hun

mausam ki hiddat ko

hiddat mein shiddat ko

hiddat ki shiddat mein pakte hue aam ko

jo ki mera nahin hai

Table pe rakkhe hue kaam ko

jo abhi tak paDa hai

hawa ko

hawa mein munafiq suron ki aamezish ko

kar-e-mohabbat ko

kar-e-mohabbat mein tapte hue husn ko bhi

jise dekh kar qais ki aankh

jufti ke sapnon mein Dubi

Table pe aundha paDa hai jo cigarette ka packet

main kahta hun yunhi paDa hai

main pita nahin hun

kisi din piyunga jiyunga

magar wo meri baat par muskuraati hai

aur us ki aankhon mein ek be-yaqini hai

mujhe qatl karti hui be-yaqini

main daftar ki kursi pe baiTha hua

be-yaqini se us be-yaqini ko

galiyan bak raha hun

mujhe ek cigarette hi sulga do koi