bebasi
ye jiinā kyā ye marnā kyā kuchh bhī to hamāre bas meñ nahīñ
ik jaal bichhā hai ḳhvāhish kā aur dil hai ki phailā jaatā hai
ham bachne kī jitnī koshish karte haiñ phañste jaate haiñ
ye reg-e-ravān-e-umr hī kuchh aisī hai ki dhañste jaate haiñ
jab ret hamāre pairoñ ke nīche se khisakne lagtī hai
duniyā kī tamannā bujhtī huī āñkhoñ meñ sisakne lagtī hai
har saañs ukhaḌne se pahle siine meñ dahaktī jaatī hai
aur dhīre dhīre chādar jism-o-jāñ kī masaktī jaatī hai
ye jiinā kyā ye marnā kyā kuchh bhī to hamāre bas meñ nahīñ
ye jina kya ye marna kya kuchh bhi to hamare bas mein nahin
ek jal bichha hai KHwahish ka aur dil hai ki phaila jata hai
hum bachne ki jitni koshish karte hain phanste jate hain
ye reg-e-rawan-e-umr hi kuchh aisi hai ki dhanste jate hain
jab ret hamare pairon ke niche se khisakne lagti hai
duniya ki tamanna bujhti hui aankhon mein sisakne lagti hai
har sans ukhaDne se pahle sine mein dahakti jati hai
aur dhire dhire chadar jism-o-jaan ki masakti jati hai
ye jina kya ye marna kya kuchh bhi to hamare bas mein nahin
- Book : Qarz-e-jan (Pg. 102)
- Author : Rashid Azar
- Publication : Rashid Azar (2003)
- Edition : 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
