tafaut

ham kitnā ro.e the jab ik din sochā thā ham mar jā.eñge

aur ham se har nemat kī lazzat kā ehsās judā ho jā.egā

chhoTī chhoTī chīzeñ jaise shahd kī makkhī kī bhin bhin

chiḌiyoñ kī chuuñ chuuñ kavvoñ kā ek ik tinkā chunñā

niim kī sab se ūñchī shāḳh pe jā kar rakh denā aur ghoñsla bunñā

saḌkeñ kūTne vaale engine kī chhuk chhuk bachchoñ kā dhuul uḌānā

aadhe nañge mazdūroñ ko pyaaz se roTī khāte dekhe jaanā

ye sab lā-yānī bekār mashāġhil baiThe baiThe ek dam chhin jā.eñge

ham kitnā ro.e the jab pahlī baar ye ḳhatra andar jaagā thā

is gardish karne vaalī dhartī se rishta TūTegā ham jāmid ho jā.eñge

lekin kab se lab sākit haiñ dil kī hañgāma-ārā.ī kī

barsoñ se āvāz nahīñ aa.ī aur is marg-e-musalsal par

in kam-māya āñkhoñ se ik qatra aañsū bhī to nahīñ Tapkā

hum kitna roe the jab ek din socha tha hum mar jaenge

aur hum se har nemat ki lazzat ka ehsas juda ho jaega

chhoTi chhoTi chizen jaise shahd ki makkhi ki bhin bhin

chiDiyon ki chun chun kawwon ka ek ek tinka chunna

nim ki sab se unchi shaKH pe ja kar rakh dena aur ghonsla bunna

saDken kuTne wale engine ki chhuk chhuk bachchon ka dhul uDana

aadhe nange mazduron ko pyaz se roTi khate dekhe jaana

ye sab la-yani bekar mashaghil baiThe baiThe ek dam chhin jaenge

hum kitna roe the jab pahli bar ye KHatra andar jaga tha

is gardish karne wali dharti se rishta TuTega hum jamid ho jaenge

lekin kab se lab sakit hain dil ki hangama-arai ki

barson se aawaz nahin aai aur is marg-e-musalsal par

in kam-maya aankhon se ek qatra aansu bhi to nahin Tapka