bhaarat naya banaen

ik iiñT tum bhī laao

ik iiñT ham bhī laa.eñ

pyaar aur ektā kā

ūñchā mahal banā.eñ

bhārat nayā banā.eñ

ik peḌ tum ugaao

ik peḌ ham ugā.eñ

sukh chain shāntī kā

mil ke chaman banā.eñ

bhārat nayā banā.eñ

kuchh phuul tum bhī laao

kuchh phuul ham bhī laa.eñ

ḳhāk-e-vatan kī ḳhushbū

māhaul meñ basā.eñ

bhārat nayā banā.eñ

ik nahr tum banāo

ik nahr ham banā.eñ

phir ektā kā paanī

har khet ko pilā.eñ

bhārat nayā banā.eñ

ik diip tum jalāo

ik diip ham jalā.eñ

nafrat kī sab ke dil se

tārīkiyāñ miTā.eñ

bhārat nayā banā.eñ

khetoñ meñ khaad paanī

de ke anaaj ugā.eñ

koī rahe na bhūkā

sab peT bhar ke khā.eñ

bhārat nayā banā.eñ

pichhḌoñ ko ham uThā.eñ

aglī safoñ meñ laa.eñ

sab kī taraqqī kar ke

ḳhush-hāl unheñ banā.eñ

bhārat nayā banā.eñ

bijlī ke kār-ḳhāne

aao na.e lagā.eñ

bijlī kī jo kamī hai

is ko zarā miTā.eñ

bhārat nayā banā.eñ

ta.alīm technical

sab logoñ ko dilā.eñ

ta.alīm-o-tarbiyat se

ik inqalāb laa.eñ

bhārat nayā banā.eñ

duniyā meñ sab se uupar

bhārat ko ab uThā.eñ

ham se bhī sīkhne ko

duniyā ke log aa.eñ

bhārat nayā banā.eñ

amrit hai saty kā phal

hai zahr jhuuT kā phal

phal ektā kā mīThā

kaḌvā hai phuuT kā phal

peḌ ektā ke aao

chāroñ taraf lagā.eñ

sab ke liye chaman meñ

ik sā.ebān banā.eñ

bhārat nayā banā.eñ

bhārat nayā banā.eñ

ek inT tum bhi lao

ek inT hum bhi laen

pyar aur ekta ka

uncha mahal banaen

bhaarat naya banaen

ek peD tum ugao

ek peD hum ugaen

sukh chain shanti ka

mil ke chaman banaen

bhaarat naya banaen

kuchh phul tum bhi lao

kuchh phul hum bhi laen

KHak-e-watan ki KHushbu

mahaul mein basaen

bhaarat naya banaen

ek nahr tum banao

ek nahr hum banaen

phir ekta ka pani

har khet ko pilaen

bhaarat naya banaen

ek dip tum jalao

ek dip hum jalaen

nafrat ki sab ke dil se

tarikiyan miTaen

bhaarat naya banaen

kheton mein khad pani

de ke anaj ugaen

koi rahe na bhuka

sab peT bhar ke khaen

bhaarat naya banaen

pichhDon ko hum uThaen

agli safon mein laen

sab ki taraqqi kar ke

KHush-haal unhen banaen

bhaarat naya banaen

bijli ke kar-KHane

aao nae lagaen

bijli ki jo kami hai

is ko zara miTaen

bhaarat naya banaen

talim technical

sab logon ko dilaen

talim-o-tarbiyat se

ek inqalab laen

bhaarat naya banaen

duniya mein sab se upar

bhaarat ko ab uThaen

hum se bhi sikhne ko

duniya ke log aaen

bhaarat naya banaen

amrit hai saty ka phal

hai zahr jhuT ka phal

phal ekta ka miTha

kaDwa hai phuT ka phal

peD ekta ke aao

chaaron taraf lagaen

sab ke liye chaman mein

ek saeban banaen

bhaarat naya banaen

bhaarat naya banaen