bhul jao mujhe

vo to yuuñ thā ki ham

apnī apnī zarūrat kī ḳhātir

apne apne taqāzoñ ko puurā kiyā

apne apne irādoñ kī takmīl meñ

tīra-o-tār ḳhvāhish kī sañglāḳh rāhoñ pe chalte rahe

phir bhī rāhoñ meñ kitne shagūfe khile

vo to yuuñ thā ki baḌhte ga.e silsile

varna yuuñ hai ki ham

ajnabī kal bhī the

ajnabī ab bhī haiñ

ab bhī yuuñ hai ki tum

har qasam toḌ do

sab zideñ chhoḌ do

aur agar yuuñ na thā to yūñhī soch lo

tum ne iqrār hī kab kiyā thā ki maiñ

tum se mansūb huuñ

maiñ ne isrār hī kab kiyā thā ki tum

yaad aao mujhe

bhuul jaao mujhe

wo to yun tha ki hum

apni apni zarurat ki KHatir

apne apne taqazon ko pura kiya

apne apne iradon ki takmil mein

tira-o-tar KHwahish ki sanglaKH rahon pe chalte rahe

phir bhi rahon mein kitne shagufe khile

wo to yun tha ki baDhte gae silsile

warna yun hai ki hum

ajnabi kal bhi the

ajnabi ab bhi hain

ab bhi yun hai ki tum

har qasam toD do

sab ziden chhoD do

aur agar yun na tha to yunhi soch lo

tum ne iqrar hi kab kiya tha ki main

tum se mansub hun

main ne israr hi kab kiya tha ki tum

yaad aao mujhe

bhul jao mujhe