bichhDa hua maujud hai

jaane vaale to gayā kab hai

mire dāman meñ

tere ḳhush-dilā dilāsoñ kā dhuāñ jāgtā hai

mere jūtoñ meñ tire paañv paḌe haiñ ab tak

aaj bhī maiñ unheñ dho dho ke piyā kartā huuñ

terī ḳhushbū pe kabhī gard nahīñ jamne dī

terī pheñkī huī bātoñ ko laboñ meñ bhar kar

tere lahje kī shabāhat meñ

utar jaane kā

lutf vo jaane jise hijr mile

tere kaaTe hue mausam se koī dhajjī agar

haath aa.e to zaḳhīra use kar letā huuñ

terī utran se uThātā huuñ na.ī dhaj kā javāz

tere dekhe hue ḳhvāboñ pe mujhe niiñd aa.e

mere ā.īne meñ raushan hai abhī terā vajūd

raat hotī hai to bistar pe rakhā terā ḳhayāl

mere siine ke jazīre se lipaT jaatā hai

jaane vaale tū gayā kab hai

mire hāthoñ se

tere bosoñ kī abhī taaza mahak aatī hai

jaane wale to gaya kab hai

mere daman mein

tere KHush-dila dilason ka dhuan jagta hai

mere juton mein tere panw paDe hain ab tak

aaj bhi main unhen dho dho ke piya karta hun

teri KHushbu pe kabhi gard nahin jamne di

teri phenki hui baaton ko labon mein bhar kar

tere lahje ki shabahat mein

utar jaane ka

lutf wo jaane jise hijr mile

tere kaTe hue mausam se koi dhajji agar

hath aae to zaKHira use kar leta hun

teri utran se uThata hun nai dhaj ka jawaz

tere dekhe hue KHwabon pe mujhe nind aae

mere aaine mein raushan hai abhi tera wajud

raat hoti hai to bistar pe rakha tera KHayal

mere sine ke jazire se lipaT jata hai

jaane wale tu gaya kab hai

mere hathon se

tere boson ki abhi taza mahak aati hai