bich ki rah

sab se achchhī biich kī raah

ḳhuub nirālī biich kī raah

biich kā hai har kaam achchhā

biich kā hai anjām achchhā

biich kī har dam raah chalo

phūlo phalo farḳhanda raho

aisā koī kaam na ho

jis meñ kuchh ārām na ho

jis ko aisī aadat hai

har dam us ko rāhat hai

khāne meñ bhī biich kī raah

sone meñ bhī biich kī raah

dāvat ho yā ghar par ho

bhuuk se thoḌā kam khaao

itnā kam bhī mat khaao

duble ho kar pachhtāo

thoḌā kaam ho achchhā ho

varna sarāsar ghāTā ho

ḳhair kā pahlū hai is meñ

ḳhair kī ḳhushbū hai is meñ

'shauq' ye achchhā nusḳha hai

kitnā sastā nusḳha hai

sab se achchhi bich ki rah

KHub nirali bich ki rah

bich ka hai har kaam achchha

bich ka hai anjam achchha

bich ki har dam rah chalo

phulo phalo farKHanda raho

aisa koi kaam na ho

jis mein kuchh aaram na ho

jis ko aisi aadat hai

har dam us ko rahat hai

khane mein bhi bich ki rah

sone mein bhi bich ki rah

dawat ho ya ghar par ho

bhuk se thoDa kam khao

itna kam bhi mat khao

duble ho kar pachhtao

thoDa kaam ho achchha ho

warna sarasar ghaTa ho

KHair ka pahlu hai is mein

KHair ki KHushbu hai is mein

'shauq' ye achchha nusKHa hai

kitna sasta nusKHa hai