bimar guDiya

ki shāyad ḳhizāñ chhū ga.ī use

aaj ḳhāmosh hai

chal ke dekheñ kahīñ

aaj phir zer-e-dil

ek ma.asūm ḳhvāhish kī shiddat

phir kisī adh-jale ḳhvāb kī justujū to nahīñ

titliyāñ sabz-o-nīlī

sar-phire raqs-o-bū ke jahāñ se

kitnī mānūs-o-sarshār haiñ

aur maiñ apne achchhe ḳhudā se

kitnī bezār huuñ

thak ga.ī huuñ

chāñd tāroñ ko chhūne kī ḳhvāhish

choTiyoñ tak pahuñchne kī ḳhvāhish

ek be-naġhma be-sāz vus.at

dil dhaḌakne se bhī hichkichā.e

sūrat-e-dūd sā ye gurezāñ

niilī tārīkiyoñ se shagufta

qahqahe mārtī maiñ jo niklī

mere ḳhvāboñ ke bedār chehre

saare sāhil pe nauha-ḳhvāñ haiñ

ki shayad KHizan chhu gai use

aaj KHamosh hai

chal ke dekhen kahin

aaj phir zer-e-dil

ek masum KHwahish ki shiddat

phir kisi adh-jale KHwab ki justuju to nahin

titliyan sabz-o-nili

sar-phire raqs-o-bu ke jahan se

kitni manus-o-sarshaar hain

aur main apne achchhe KHuda se

kitni bezar hun

thak gai hun

chand taron ko chhune ki KHwahish

choTiyon tak pahunchne ki KHwahish

ek be-naghma be-saz wusat

dil dhaDakne se bhi hichkichae

surat-e-dud sa ye gurezan

nili tarikiyon se shagufta

qahqahe marti main jo nikli

mere KHwabon ke bedar chehre

sare sahil pe nauha-KHwan hain