bimar laDki

shaam kī gungunātī havāo

mujhe saath apne uḌāte hue le chalo

vo jahāñ ūñche ūñche daraḳhtoñ kī

ġhamnāk sī chhāñv hai

chāñd tāroñ ke rastoñ se aage mirā gaañv hai

merā ghar suunā ghar apne baazū baḌhā.e

mirā rāsta tak rahā hai

koī ajnabī sī sadā mere kānoñ meñ aatī hai

mujh ko bulātī hai jaane kahāñ

ūñche ūñche daraḳhtoñ kī ġhamnāk sī chhāñv hai

mere sirhāne kā thā nanhā munnā darīcha ka.ī baar khultā rahā

jagmagātī huī raushnī aa.ī mausam badaltā rahā

chāñdnī raat meñ phuul khilte magar maiñ ne dekhe nahīñ

dil meñ sahmī huī ḳhvāhishoñ ke

kabhī hoñT hilte magar maiñ ne dekhe nahīñ

maiñ ne jab Darte Darte kabhī aañkh kholī

mire chāroñ jānib dhuñdalkā sā thā

maiñ ne chupke se jab bhī kabhī saañs lī

merī rag rag meñ simTā huā merā dukh kam nahīñ ho sakā

maiñ ne niile ḳhalāoñ meñ uḌte hue panchhiyoñ ko sadā dī

magar merā koī na thā

aaj bhī merā koī nahīñ

Doltī saañs aa.egī albelī dulhan kī tarah lajātī

ye phuul aur ḳhushbū mire rāste ke haiñ sāthī

sitāre haiñ rote hue nanhe munne barātī

mire vāste ab judā.ī kī fariyād kā giit gaao

havāo

sham ki gungunati hawao

mujhe sath apne uDate hue le chalo

wo jahan unche unche daraKHton ki

ghamnak si chhanw hai

chand taron ke raston se aage mera ganw hai

mera ghar suna ghar apne bazu baDhae

mera rasta tak raha hai

koi ajnabi si sada mere kanon mein aati hai

mujh ko bulati hai jaane kahan

unche unche daraKHton ki ghamnak si chhanw hai

mere sirhane ka tha nanha munna daricha kai bar khulta raha

jagmagati hui raushni aai mausam badalta raha

chandni raat mein phul khilte magar main ne dekhe nahin

dil mein sahmi hui KHwahishon ke

kabhi honT hilte magar main ne dekhe nahin

main ne jab Darte Darte kabhi aankh kholi

mere chaaron jaanib dhundalka sa tha

main ne chupke se jab bhi kabhi sans li

meri rag rag mein simTa hua mera dukh kam nahin ho saka

main ne nile KHalaon mein uDte hue panchhiyon ko sada di

magar mera koi na tha

aaj bhi mera koi nahin

Dolti sans aaegi albeli dulhan ki tarah lajati

ye phul aur KHushbu mere raste ke hain sathi

sitare hain rote hue nanhe munne baraati

mere waste ab judai ki fariyaad ka git gao

hawao