billi-dan

chūhoñ ne ek roz bulāyā billī ko mehmān

aur dikhā.ī lakḌī kī ik building ālī-shān

billī thī hairān

phir ik chuhā us se bolā kahiye ḳhāla-jān

duudh malā.ī khā.eñgī yā phal sabzī aur naan

baa'd meñ chaa.e paan

donoñ bāteñ karte jaise hī building meñ pahuñche

dūsre chūhe ne darvāza band kiyā bāhar se

hosh uḌe billī ke

billī ne ghabrā kar darvāze kī jānib dekhā

andar vaalā chuhā bhī phurtī se bāhar niklā

ḳhushī meñ kuudā uchhlā

pahle to ġhurrā.ī billī phir samjhī nādān

lālach kā anjām yahī hai ḳhatre meñ hai jaan

ye hai billī-dān

chuhon ne ek roz bulaya billi ko mehman

aur dikhai lakDi ki ek building aali-shan

billi thi hairan

phir ek chuha us se bola kahiye KHala-jaan

dudh malai khaengi ya phal sabzi aur nan

ba'd mein chae pan

donon baaten karte jaise hi building mein pahunche

dusre chuhe ne darwaza band kiya bahar se

hosh uDe billi ke

billi ne ghabra kar darwaze ki jaanib dekha

andar wala chuha bhi phurti se bahar nikla

KHushi mein kuda uchhla

pahle to ghurrai billi phir samjhi nadan

lalach ka anjam yahi hai KHatre mein hai jaan

ye hai billi-dan