bipolar

tumhārī maut

tumhārī maañ kī kokh se

tumhāre saath hī paidā huī thī

lekin tum ne haath thāmā zindagī kā

maut ko band kiyā kisī kāl-koTharī meñ

aur bhuul ga.e

itihās kī murda kitāboñ aur ḳhuun se sane lijlije aḳhbāroñ ko paḌhte vaqt

tum ne maut ko yaad kiyā

chaar aañsū bahā.e

magar tum Darpok the

tum maut ko gale na lagā sake

mere ḳhayāl se to tumheñ

ġhermany filistīn kashmīr hiroshima godhra aur syria meñ ek ek baar mar jaanā chāhiye thā

magar tum Darpok the

aur tum ab bhī Darpok kī tarah

chhat se kuud kar ek jhaTke meñ marnā chāhte ho

tum meñ nahīñ himmat

paTrī par leT kar train ke intizār kī

tum Darpok aur vāhiyāt ho

ki tum ne marne ke liye ishq jaisī be-hūda chiiz ko chunā

tumhaari maut

tumhaari man ki kokh se

tumhaare sath hi paida hui thi

lekin tum ne hath thama zindagi ka

maut ko band kiya kisi kal-koThari mein

aur bhul gae

itihas ki murda kitabon aur KHun se sane lijlije aKHbaron ko paDhte waqt

tum ne maut ko yaad kiya

chaar aansu bahae

magar tum Darpok the

tum maut ko gale na laga sake

mere KHayal se to tumhein

ghermany filistin kashmir hiroshima godhra aur syria mein ek ek bar mar jaana chahiye tha

magar tum Darpok the

aur tum ab bhi Darpok ki tarah

chhat se kud kar ek jhaTke mein marna chahte ho

tum mein nahin himmat

paTri par leT kar train ke intizar ki

tum Darpok aur wahiyat ho

ki tum ne marne ke liye ishq jaisi be-huda chiz ko chuna