tisri barish se pahle

Sameena Raja

tisri barish se pahle

Sameena Raja

MORE BYSameena Raja

    us roz mausam-e-ḳhizāñ pahlī bārish huī

    jab us ne mere dar se āḳhirī baar qadam nikālā

    us ne merī rasoī se ek nivāla na liyā

    mere kueñ se ek ghūñT na piyā

    aur mere hoñToñ ek bosa na liyā

    balki pahle liye hue saare bose

    thuuk diye

    jab mausam-e-ḳhizāñ dūsrī bārish huī

    to merī rasoī meñ ek saañp niklā

    mere kueñ meñ ek meñDak paidā huā

    aur mere hoñToñ par pahlī papḌī jamī

    tab se ab tak saañp

    rasoī meñ ghaat lagā.e hai

    meñDak kueñ meñ dubkā hai

    aur jaane vaalā

    rozāna mere dar par dastak detā hai

    apne thūke hue bose

    chāTne ke liye

    us roz mausam-e-KHizan ki pahli barish hui

    jab us ne mere dar se aaKHiri bar qadam nikala

    us ne meri rasoi se ek niwala na liya

    mere kuen se ek ghunT na piya

    aur mere honTon ka ek bosa na liya

    balki pahle liye hue sare bose

    thuk diye

    jab mausam-e-KHizan ki dusri barish hui

    to meri rasoi mein ek sanp nikla

    mere kuen mein ek meinDak paida hua

    aur mere honTon par pahli papDi jami

    tab se ab tak sanp

    rasoi mein ghat lagae hai

    meinDak kuen mein dubka hai

    aur jaane wala

    rozana mere dar par dastak deta hai

    apne thuke hue bose

    chaTne ke liye

    Source :
    • Book : Jalta Hai Badan (Pg. 37)
    • Author : Zahid Hasan
    • Publication : Apnaidara, Lahore (2002)
    • Edition : 2002

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now