بڑھیا

روز ہی بڑھیا اٹھ کر کیوں کہتی ہے

پیاس لگی ہے

پانی ڈالتے ڈالتے مگ سے آ جاتی ہے

گلاس گراؤ‌ گے تم

ہاتھ تمہارے کانپ رہے ہیں

جان جلا رکھی ہے اس نے

خراٹے کیا میں لیتا ہوں

ناک تو اس کی پھراتی ہے

آدھی رات کو اٹھ کر کہتی ہے کہ پنکھا بند کرو ناں ٹھنڈ

لگتی ہے

پاؤں مار کے خود ہی تو چادر پھینکی تھی

پاؤں پلنگ پہ مار کر پیر سجا رکھا ہے

ساری رات دباتا ہوں

پین کلر کھا کھا کے بھی اب اوب گیا ہوں

ساری عمر جلایا اس نے

ایک برس ہونے کو آیا

سیڑھی پر پھسلی تھی تو سر پھوڑ لیا تھا

اپنے ہاتھ سے آگ کے اوپر رکھ کر آیا تھا میں اس کو

اور کہا تھا تو چل میں بھی آتا ہوں

پر جائے تب ناں

ساری رات مرے بستر پر کروٹیں لیتی رہتی ہے