bulawa

chalo us koh par ab ham bhī chaḌh jaa.eñ

jahāñ par jā ke phir koī bhī vāpas nahīñ aatā

sunā hai ik nidā-e-ajnabī bāhoñ ko phailā.e

jo aa.e us kā istiqbāl kartī hai

use tārīkiyoñ meñ le ke āḳhir Duub jaatī hai

yahī vo rāsta hai jis jagah saaya nahīñ jaatā

jahāñ par jā ke phir koī kabhī vāpas nahīñ aatā

jo sach pūchho to ham tum zindagī bhar hārte aa.e

hamesha be-yaqīnī ke ḳhatar se kāñpte aa.e

hamesha ḳhauf ke pairāhanoñ se apne paikar Dhāñpte aa.e

hamesha dūsroñ ke saa.e meñ ik dūsre ko chāhte aa.e

burā kyā hai agar us koh ke dāman meñ chhup jaa.eñ

jahāñ par jā ke phir koī kabhī vāpas nahīñ aatā

kahāñ tak apne bosīda badan mahfūz rakkheñge

kisī ke nāḳhunoñ hī kā muqaddar jaag lene do

kahāñ tak saañs kī Dorī se rishte jhuuT ke bāñdheñ

kisī ke panjā-e-be-dard hī se TuuT jaane do

phir is ke ba.ad to bas ik sukūt-e-mustaqil hogā

na koī surḳh-rū hogā, na koī munfa.il hogā

chalo us koh par ab hum bhi chaDh jaen

jahan par ja ke phir koi bhi wapas nahin aata

suna hai ek nida-e-ajnabi bahon ko phailae

jo aae us ka istiqbaal karti hai

use tarikiyon mein le ke aaKHir Dub jati hai

yahi wo rasta hai jis jagah saya nahin jata

jahan par ja ke phir koi kabhi wapas nahin aata

jo sach puchho to hum tum zindagi bhar haarte aae

hamesha be-yaqini ke KHatar se kanpte aae

hamesha KHauf ke pairahanon se apne paikar Dhanpte aae

hamesha dusron ke sae mein ek dusre ko chahte aae

bura kya hai agar us koh ke daman mein chhup jaen

jahan par ja ke phir koi kabhi wapas nahin aata

kahan tak apne bosida badan mahfuz rakkhenge

kisi ke naKHunon hi ka muqaddar jag lene do

kahan tak sans ki Dori se rishte jhuT ke bandhen

kisi ke panja-e-be-dard hi se TuT jaane do

phir is ke baad to bas ek sukut-e-mustaqil hoga

na koi surKH-ru hoga, na koi munfail hoga