کینوس کوئی سادہ

ٹوٹتی

ٹوٹ کر ریزہ ریزہ سمٹتی ہوئی ساعتوں

کی طرح کوئی سطح سادہ نہیں

ایک وقفہ کا دامن بھی دھبوں سے

خالی نہیں

یہ نظر کا نہیں اصل میں

اک تضاد نظر کا کرشمہ ہے

ورنہ یہ اوراق مہتاب بھی

جتنے لگتے ہیں اجلے نہیں

منہ کھلی اور لڑھکتی ہوئی رات سے

لمحہ لمحہ ابلتی ہوئی روشنائی زیادہ

سیہ ہے

وہی کوئلے

جب شروعات تقریب کے

دھیمے دھیمے سلگتے الاؤ میں جلنے لگیں

اس گھڑی

اور جب بیچ کے مرحلہ میں دہکنے لگیں

اس گھڑی

اور جب ختم تقریب کی راکھ میں

آنکھ ملنے لگیں

اس گھڑی بھی

سفیدی کا خالص تصور نہیں

اپنی مرضی کی بے داغ تصویر کے واسطے

کینوس کوئی سادہ نہیں