cathorsis

maiñ tire ḳhvāboñ kī dost thī

yaad hai tū ne merī bāñhoñ meñ

bātoñ ke gajre pahnā.e the

tū ne merā jhūTā paanī pī ke

mere hoñT sunahre chamkā.e the

tere ghar meñ aa.ī thī

harf bhī vasl ke pairā.e the

kachche pyāle pe muñh rakh ke

maiñ ne pyaas kī ḳhushbū sūñghī

os ne diid se rishta bāñdhā

ras ne rañg kī cholī pahnī

ghar meñ ḳhvāb kī shāḳh lagā ke

sochā thā dīvār Dhakegī

bail umr yā chaḌh jā.egī

kitne mīThe ḳhvāb the jin kā

zikr karo to hoñT kasīle

kitne anokhe rishte the vo

ḳhvāb se sachche ḳhvāb se jhūTe

jīnā-marnā Dhoñg purānā

bichhaḌ ke tujh se vo bhī jiyegā

tū bhī hañsnegī zinda rahegī

us ke ghar bhī sabhā sajegī

main tere KHwabon ki dost thi

yaad hai tu ne meri banhon mein

baaton ke gajre pahnae the

tu ne mera jhuTa pani pi ke

mere honT sunahre chamkae the

tere ghar mein aai thi

harf bhi wasl ke pairae the

kachche pyale pe munh rakh ke

main ne pyas ki KHushbu sunghi

os ne did se rishta bandha

ras ne rang ki choli pahni

ghar mein KHwab ki shaKH laga ke

socha tha diwar Dhakegi

bail umr ya chaDh jaegi

kitne miThe KHwab the jin ka

zikr karo to honT kasile

kitne anokhe rishte the wo

KHwab se sachche KHwab se jhuTe

jina-marna Dhong purana

bichhaD ke tujh se wo bhi jiyega

tu bhi hansnegi zinda rahegi

us ke ghar bhi sabha sajegi