apni zat ki chori

kal shaam nahr kī paTrī ke saath saath

maiñ apne nā-tavāñ kandhoñ par

ek shikasta borī uThā.e jā rahā thā

ki chīḳh-o-pukār shurūa huī

pakḌo pakḌo qātil qātil

nahr par muta.ayyan police chaukī ke musta.id amle ne

sañgīnoñ se merā ta.āqub kiyā

maiñ apnī tamām-tar quvvat se bhāgne ke bāvajūd

chand hī lamhoñ meñ un kī āhanī giraft meñ thā

police chaukī meñ savāloñ kī bochhāḌ se

merī quvvat-e-goyā.ī javāb de ga.ī

ek makrūh sūrat moñchhoñ vaalā bā-vardī shaḳhs

vahshat-nāk āñkhoñ se amle kī taraf dekhte hue

apnī shadīd karaḳht āvāz meñ chīḳhā

borī kā muñh kholo

saarā amla shashdar rah gayā

ki borī meñ lipTī huī laash merī hī thī

aur maiñ chup sādhe use tak rahā thā

kal sham nahr ki paTri ke sath sath

main apne na-tawan kandhon par

ek shikasta bori uThae ja raha tha

ki chiKH-o-pukar shurua hui

pakDo pakDo qatil qatil

nahr par mutayyan police chauki ke mustaid amle ne

sanginon se mera taaqub kiya

main apni tamam-tar quwwat se bhagne ke bawajud

chand hi lamhon mein un ki aahani giraft mein tha

police chauki mein sawalon ki bochhaD se

meri quwwat-e-goyai jawab de gai

ek makruh surat monchhon wala ba-wardi shaKHs

wahshat-nak aankhon se amle ki taraf dekhte hue

apni shadid karaKHt aawaz mein chiKHa

bori ka munh kholo

sara amla shashdar rah gaya

ki bori mein lipTi hui lash meri hi thi

aur main chup sadhe use tak raha tha