chacha nehru ki mohabbat

pyaar kā dil ne naġhma sunāyā

jab zabāñ par tirā naam aayā

dil ne be-sāḳhta ye pukārā tū bhulāne ke qābil nahīñ hai

chāchā nehru tumhārī mohabbat bhuul jaane ke qābil nahīñ hai

ham bhī pahuñcheñge un manziloñ par

jin kā rasta batāyā hai tum ne

haañ tumhārā jo naqsh-e-qadam hai vo miTāne ke qābil nahīñ hai

chāchā nehru tumhārī mohabbat bhuul jaane ke qābil nahīñ hai

raushnī phir na DhūñDe milegī

chhā.egā saare jag meñ añdherā

jo diyā tum ne raushan kiyā hai vo bujhāne ke qābil nahīñ hai

chāchā nehru tumhārī mohabbat bhuul jaane ke qābil nahīñ hai

tum the amn-o-amāñ ke payambar

saarī duniyā ne maanā hai rahbar

aap kī rahbarī jo na maane is zamāne ke qābil nahīñ hai

chāchā nehru tumhārī mohabbat bhuul jaane ke qābil nahīñ hai

pyar ka dil ne naghma sunaya

jab zaban par tera nam aaya

dil ne be-saKHta ye pukara tu bhulane ke qabil nahin hai

chacha nehru tumhaari mohabbat bhul jaane ke qabil nahin hai

hum bhi pahunchenge un manzilon par

jin ka rasta bataya hai tum ne

han tumhaara jo naqsh-e-qadam hai wo miTane ke qabil nahin hai

chacha nehru tumhaari mohabbat bhul jaane ke qabil nahin hai

raushni phir na DhunDe milegi

chhaega sare jag mein andhera

jo diya tum ne raushan kiya hai wo bujhane ke qabil nahin hai

chacha nehru tumhaari mohabbat bhul jaane ke qabil nahin hai

tum the amn-o-aman ke payambar

sari duniya ne mana hai rahbar

aap ki rahbari jo na mane is zamane ke qabil nahin hai

chacha nehru tumhaari mohabbat bhul jaane ke qabil nahin hai