chand

chāñd ne jab raat ko

āsmān ke auj se

arz par Daalī nazar

to use tārīkiyoñ meñ ġharq duniyā par taras aayā bahut

aur us ne arz par kuchh toḌ laane kā irāda kar liyā

jab vo utrā āsmāñ se

to muqaddar ne use laTkā diyā

ik salīb-e-naḳhl par

aur duniyā so rahī thī raat kī āġhosh meñ

chāñd kā kyā haal hai

pūchhtā koī nahīñ

chand ne jab raat ko

aasman ke auj se

arz par Dali nazar

to use tarikiyon mein gharq duniya par taras aaya bahut

aur us ne arz par kuchh toD lane ka irada kar liya

jab wo utra aasman se

to muqaddar ne use laTka diya

ek salib-e-naKHl par

aur duniya so rahi thi raat ki aaghosh mein

chand ka kya haal hai

puchhta koi nahin