chand se dauD

bachpan meñ jab maiñ shaam ko

gaaḌī kī khiḌkī se

jhāñk kar dekhtā

to muskurāte dūdhiyā safed chāñd ko

apne baġhal meñ paatā

maano mujh se dauḌ lagā rahā hai

koī bhī saḌak koī bhī moḌ

kisī bhī samt kisī bhī or

maiñ jahāñ bhī jā.ūñ mujh se qadam se qadam milā rahā hai

par jaane kyoñ

ye mujh se jītne ke liye nahīñ dauḌtā ki

maiñ jab rukūñ ye ruktā hai

maiñ jab chalūñ yā chaltā hai

gaaḌī raftār pakḌe chāñd bhī raftār pakaḌtā hai

gaaḌī red light par ruke chāñd bhī ruktā hai

ab baḌā ho rahā huuñ to

zindagī se dauḌ lagā rahā huuñ

zindagī sang-dil hai

maiñ aage rahūñ yā pīchhe zindagī nahīñ ruktī hai

mujhe zindagī se dauḌ nahīñ lagānī

chāñd nikal aayā hai to gaaḌī bhī nikālo

mujhe chāñd se dauḌ lagānī hai

bachpan mein jab main sham ko

gaDi ki khiDki se

jhank kar dekhta

to muskuraate dudhiya safed chand ko

apne baghal mein pata

mano mujh se dauD laga raha hai

koi bhi saDak koi bhi moD

kisi bhi samt kisi bhi or

main jahan bhi jaun mujh se qadam se qadam mila raha hai

par jaane kyon

ye mujh se jitne ke liye nahin dauDta ki

main jab rukun ye rukta hai

main jab chalun ya chalta hai

gaDi raftar pakDe chand bhi raftar pakaDta hai

gaDi red light par ruke chand bhi rukta hai

ab baDa ho raha hun to

zindagi se dauD laga raha hun

zindagi sang-dil hai

main aage rahun ya pichhe zindagi nahin rukti hai

mujhe zindagi se dauD nahin lagani

chand nikal aaya hai to gaDi bhi nikalo

mujhe chand se dauD lagani hai