chand siyah paD chuka hai

be-shumār sūraj āsmān meñ raushan hote haiñ

aur zamīn ke siine se dhuāñ uThne lagtā hai

tezī se baḌhte hue qadmoñ kī aahaT

aur tez hotī jaatī hai

aur kab mādūm ho jaatī hai patā hī nahīñ chaltā

ujāle ne ham se rangoñ kī shanāḳht chhīn lī hai

hamārī gardanoñ kī rageñ suuj ga.ī haiñ

ki naġhme aur naale meñ koī farq baaqī nahīñ rahā

lakḌiyāñ ab bhī tumhāre chūlhoñ meñ sulag rahī haiñ

uTho

aur apne kivāḌoñ ko nazr-e-ātish kar do

ki chāñd siyāh paḌ chukā hai

be-shumar suraj aasman mein raushan hote hain

aur zamin ke sine se dhuan uThne lagta hai

tezi se baDhte hue qadmon ki aahaT

aur tez hoti jati hai

aur kab madum ho jati hai pata hi nahin chalta

ujale ne hum se rangon ki shanaKHt chhin li hai

hamari gardanon ki ragen suj gai hain

ki naghme aur nale mein koi farq baqi nahin raha

lakDiyan ab bhi tumhaare chulhon mein sulag rahi hain

uTho

aur apne kiwaDon ko nazr-e-atish kar do

ki chand siyah paD chuka hai