chandni kahti hai

roz-o-shab

halqa-e-āfāt haiñ

har lahza javāñ

silsila vaqt kī gardish kā yahāñ

sab haiñ pābandī-e-auqāt-e-zamāna meñ magan

jān-o-tan fahm-o-ḳhirad hosh-o-gumāñ

tum hī tanhā nahīñ is sail-e-ravāñ meñ majbūr

maiñ bhī jiitī huuñ yahāñ ḳhud se gurezāñ ho kar

phir bhī ik lamhe kī fursat jo mayassar aa.e

dil vahīñ chupke se dhaḌkan ko jagā detā hai

tār-rātoñ meñ bikhartī haiñ rupahlī kirneñ

chāñdnī pichhlī mulāqātoñ ke ā.īne meñ

roz-e-ā.inda se miltī hai gale

kahtī hai

an-kahī bātoñ kī ḳhushbū se mo.attar rakhnā

apnī āvāz abhī

zindagī kitnī hī be-mehr sahmī

phir bhī bahār aa.egī

āñkhoñ meñ basā.e rakhnā mere andāz abhī

roz-o-shab

halqa-e-afat hain

har lahza jawan

silsila waqt ki gardish ka yahan

sab hain pabandi-e-auqat-e-zamana mein magan

jaan-o-tan fahm-o-KHirad hosh-o-guman

tum hi tanha nahin is sail-e-rawan mein majbur

main bhi jiti hun yahan KHud se gurezan ho kar

phir bhi ek lamhe ki fursat jo mayassar aae

dil wahin chupke se dhaDkan ko jaga deta hai

tar-raaton mein bikharti hain rupahli kirnen

chandni pichhli mulaqaton ke aaine mein

roz-e-ainda se milti hai gale

kahti hai

an-kahi baaton ki KHushbu se moattar rakhna

apni aawaz abhi

zindagi kitni hi be-mehr sahmi

phir bhi bahaar aaegi

aankhon mein basae rakhna mere andaz abhi