chalo hum man lete hain bichhaDna hi zaruri hai

chalo ham maan lete haiñ bichhaḌnā hī zarūrī hai

chalo ham maan lete haiñ muqaddar meñ hī duurī hai

chalo ham maan lete haiñ tumhārī jo hai majbūrī

chalo ham maan lete haiñ mile ham der se tum se

chalo maanā ki bāñdhe hai rasan hālāt kī tum ko

chalo maanā judā.ī ke sivā chāra nahīñ koī

magar

itnā batā do bas

judā hone se ai hamdam

ta.alluq TuuT jā.egā

hameñ tum bhuul jāoge

mohabbat aur rifāqat ke

vo saare din

vo sab lamhe

tumhāre zehn aur dil se

nikal jā.eñge

mumkin hai

agar mumkin nahīñ hai to

judā hone kā kyā matlab

bichhaḌ jaane kā ġham kaisā

ye naale aur fuġhāñ kyuuñ haiñ

ham itne be-karāñ kyuuñ haiñ

chalo hum man lete hain bichhaDna hi zaruri hai

chalo hum man lete hain muqaddar mein hi duri hai

chalo hum man lete hain tumhaari jo hai majburi

chalo hum man lete hain mile hum der se tum se

chalo mana ki bandhe hai rasan haalat ki tum ko

chalo mana judai ke siwa chaara nahin koi

magar

itna bata do bas

juda hone se ai hamdam

talluq TuT jaega

hamein tum bhul jaoge

mohabbat aur rifaqat ke

wo sare din

wo sab lamhe

tumhaare zehn aur dil se

nikal jaenge

mumkin hai

agar mumkin nahin hai to

juda hone ka kya matlab

bichhaD jaane ka gham kaisa

ye nale aur fughan kyun hain

hum itne be-karan kyun hain