چلو ہم مان لیتے ہیں بچھڑنا ہی ضروری ہے

چلو ہم مان لیتے ہیں بچھڑنا ہی ضروری ہے

چلو ہم مان لیتے ہیں مقدر میں ہی دوری ہے

چلو ہم مان لیتے ہیں تمہاری جو ہے مجبوری

چلو ہم مان لیتے ہیں ملے ہم دیر سے تم سے

چلو مانا کہ باندھے ہے رسن حالات کی تم کو

چلو مانا جدائی کے سوا چارہ نہیں کوئی

مگر

اتنا بتا دو بس

جدا ہونے سے اے ہمدم

تعلق ٹوٹ جائے گا

ہمیں تم بھول جاؤ گے

محبت اور رفاقت کے

وہ سارے دن

وہ سب لمحے

تمہارے ذہن اور دل سے

نکل جائیں گے

ممکن ہے

اگر ممکن نہیں ہے تو

جدا ہونے کا کیا مطلب

بچھڑ جانے کا غم کیسا

یہ نالے اور فغاں کیوں ہیں

ہم اتنے بے کراں کیوں ہیں