chalo hum yaad karte hain

chalo ham yaad karte haiñ suhānī rut ki jis meñ ham kabhī titlī pakaḌte the

kabhī jugnū ko muTThī meñ sharārat se chhupāte the

kabhī rangīn barkhā meñ

kisī bachche kī sūrat naav paanī meñ bahāte the

kabhī ham band jholī meñ hazāroñ sīpiyāñ le kar gharoñdoñ ko sajāte the

magar saffāk maujeñ jab gharauñde ko bahātī thiiñ

bahut dil-gīr hote the bahut nāshād rahte the

hameñ ab yaad karne do

tumhāre haath ko thāme

baḌī lambī masāfat meñ bahut pur-lutf rahte the

kabhī ham chāñdnī rātoñ meñ nange paañv sāhil pe khaḌe ho kar hasīñ lamhe churāte the

tumhāre haath par pahroñ ham apnā naam likhte the

magar ab to

hameñ din bhar

zarā bhī saañs lene kī kahāñ fursat mayassar hai

tumhāre naam ko socheñ

tumhārī yaad ko khojeñ

agar kuchh yaad rakhnā hai bas itnā yaad rakhnā hai

tumhārī yaad ke nīlam samundar-burd karne haiñ

amāvas raat se ham ko bahut hī ḳhauf aatā hai

to ham sāhil se ḳhālī haath vāpas lauT aate haiñ

na ab naav bahāte haiñ na ab sāvan manāte haiñ

suno yaḳh-basta rātoñ meñ

kisī ātish-kade ke paas baiThe ham

hathelī par bahut hī ġhaur se nazreñ jamāte haiñ

to zer-e-lab bahut zaḳhmī adā se muskurāte haiñ

magar ye baat bhī sach hai

ki mere haath kī rekhā pe terā naam hī kab thā

chalo hum yaad karte hain suhani rut ki jis mein hum kabhi titli pakaDte the

kabhi jugnu ko muTThi mein shararat se chhupate the

kabhi rangin barkha mein

kisi bachche ki surat naw pani mein bahate the

kabhi hum band jholi mein hazaron sipiyan le kar gharondon ko sajate the

magar saffak maujen jab gharaunde ko bahati thin

bahut dil-gir hote the bahut nashad rahte the

hamein ab yaad karne do

tumhaare hath ko thame

baDi lambi masafat mein bahut pur-lutf rahte the

kabhi hum chandni raaton mein nange panw sahil pe khaDe ho kar hasin lamhe churaate the

tumhaare hath par pahron hum apna nam likhte the

magar ab to

hamein din bhar

zara bhi sans lene ki kahan fursat mayassar hai

tumhaare nam ko sochen

tumhaari yaad ko khojen

agar kuchh yaad rakhna hai bas itna yaad rakhna hai

tumhaari yaad ke nilam samundar-burd karne hain

amawas raat se hum ko bahut hi KHauf aata hai

to hum sahil se KHali hath wapas lauT aate hain

na ab naw bahate hain na ab sawan manate hain

suno yaKH-basta raaton mein

kisi aatish-kade ke pas baiThe hum

hatheli par bahut hi ghaur se nazren jamate hain

to zer-e-lab bahut zaKHmi ada se muskuraate hain

magar ye baat bhi sach hai

ki mere hath ki rekha pe tera nam hi kab tha