chauda minute

titlī ke paroñ se rang churāne

bahte paanī par tasvīreñ banāne

patthar kī kokh se mujassame tarāshne

gumān se ūñchī dīvāreñ uThāne

aur shā.irī meñ ġharq ho jaane se

tum aziim taḳhlīq-kār kahlāte ho

zarā dekho

aziim musavvir picasso

tasvīroñ meñ rang aise bhartā jaise ruuh phūñk rahā ho

bichāra nā-āsūdgī kā maarā

tasvīreñ zinda karne kī hasrat us ke andar hī mar ga.ī

mardāngī kī azmat kā aziim label

us ke ehsās-e-kamtarī ko baḌhātā rahā

ek baar ke nau maah

hazār baar ke chaudah minute par bhārī hote haiñ

tum chain smoking kar ke bhī

chain ismokar nahīñ ban sakte

taḳhlīqiyat kā junūn tumheñ chaaT rahā hai

tum ḳhālī ho kar bhī ḳhālī nahīñ hote

isī liye

karb-e-musalsal meñ mubtalā ho

ḳhud ko kañgāl karne ke bāvajūd

tum

tīsre darje ke taḳhlīq-kār hī rahoge

bhalā tum

maut se zindagī taḳhlīq kar sakte ho

titli ke paron se rang churane

bahte pani par taswiren banane

patthar ki kokh se mujassame tarashne

guman se unchi diwaren uThane

aur shairi mein gharq ho jaane se

tum azim taKHliq-kar kahlate ho

zara dekho

azim musawwir picasso

taswiron mein rang aise bharta jaise ruh phunk raha ho

bichaara na-asudgi ka mara

taswiren zinda karne ki hasrat us ke andar hi mar gai

mardangi ki azmat ka azim label

us ke ehsas-e-kamtari ko baDhata raha

ek bar ke nau mah

hazar bar ke chaudah minute par bhaari hote hain

tum chain smoking kar ke bhi

chain ismokar nahin ban sakte

taKHliqiyat ka junun tumhein chaT raha hai

tum KHali ho kar bhi KHali nahin hote

isi liye

karb-e-musalsal mein mubtala ho

KHud ko kangal karne ke bawajud

tum

tisre darje ke taKHliq-kar hi rahoge

bhala tum

maut se zindagi taKHliq kar sakte ho