چودھویں کا چاند

خیال و فکر کے بکھرے ہوئے حوالوں میں

وصال ہجر محبت کی سب مثالوں میں

زمیں سے دور کہیں آسماں کے

تاروں میں

لیے یہ عکس اترتا ہے آبشاروں میں

شمار اس کا ہے اکثر ہی

شب گزاروں میں

یہ سوگوار سا لگتا ہے

سوگواروں میں

مگر وہ حسن کا عالم کہ

جب یہ پورا ہو اور

آب و تاب سے ہر بام پر

اتر آئے تو پھر شباب سبھی

کائنات پر اس کا اثر وہ چھوڑے کہ

لمحے اسیر ہو جائیں

کسے خبر ہے کہ دشت سخن کے

ماروں کا

گواہ ہوتا ہے یہ چاند اشک باروں کا

گرہن کھا کے یہ اکثر پیام دیتا ہے

کہ لمحہ بھر کو اگر روشنائی کھو جائے

دوبارہ

نکلو اسی آب و تاب سے نکلو

گھٹو کہیں پہ تو بڑھ کر حسین

ہو جاؤ یہ چاند چودہ کا

کتنا حسین ہوتا ہے

یہ شب کے کتنے ہی اسرار کھول جاتا ہے