چھلاوا

بکھرا سپنا پل میں اپنا قسمت نے کیا کھیل دکھایا

بوند نہ جل کی اک بھی برسی ناحق چھت پر بادل آیا

کاہے دل کے ویرانے میں چاہت کا اک انکر پھوٹا

جھونکا ایک ہوا کا آیا پل میں اکھڑا جڑ سے بوٹا

سایا تھا جو ہاتھ نہ آیا جانا جس کو منزل میں نے

طوفانوں کا مرکز تھا وہ سمجھا جس کو ساحل میں نے

پھر سے اجڑی دل کی بستی اور ہوئی جگ میں رسوائی

پھر سے کوسا مورکھ من کو کاہے جھوٹی آس لگائی

آس کا دیپ جلا کر دل میں چھوڑ گیا مجھ کو ہرجائی

وہ تو ایک چھلاوا تھا بس میں بد قسمت بوجھ نہ پائی