chhoTi chhoTi baDaiyan

qatre qatre se ban gayā dariyā zarre zarre se ho gayā sahrā

abr-e-naisāñ banā hai būñdoñ se zindagī majmūa hai lamhoñ kā

ban ga.ī hai kalī kalī hī bahār

koī chhoTī sī shai nahīñ be-kār

ik zarā khul ke muskurā denā ik zarā sar kahīñ jhukā denā

ho chuke haiñ jo lāġhar-o-majbūr bojh un kā zarā uThā denā

bhaTke raahī ko raah batlānā aas māyūsgāñ kī ban jaanā

jab musībat saroñ pe mañDlā.e dost ham-sā.igāñ kā ban jaanā

bāteñ chhoTī haiñ phir bhī chhoTī nahīñ

in hī bātoñ se zindagī hai hasīñ

qatre qatre se ban gaya dariya zarre zarre se ho gaya sahra

abr-e-naisan bana hai bundon se zindagi majmua hai lamhon ka

ban gai hai kali kali hi bahaar

koi chhoTi si shai nahin be-kar

ek zara khul ke muskura dena ek zara sar kahin jhuka dena

ho chuke hain jo laghar-o-majbur bojh un ka zara uTha dena

bhaTke rahi ko rah batlana aas mayusgan ki ban jaana

jab musibat saron pe manDlae dost ham-saigan ka ban jaana

baaten chhoTi hain phir bhi chhoTi nahin

in hi baaton se zindagi hai hasin