chhoTu

chaa.e khānā bartan bhānDe

saaf karnā jo haiñ gande

bas yahī merā kaam hai

aur jānte ho chhoTū merā naam hai

ghar kā akelā laḌkā huuñ baaqī sab laḌkī haiñ

chaar bachchoñ sañg bin maañ ke is ghar meñ kaḌkī hai

maañ ke peT meñ hī merā saudā kiyā thā

baabā ne mere dam par qarz chuktā kiyā thā

banāyā mujh ko bañdhuā mazdūr

kaam karne ko kiyā majbūr

sukh to dekho kosoñ duur

kahāñ se aa.e chehre par nuur

paḌhnā likhnā to chhoḌo yahāñ khāne ke laale haiñ

aise na ghabrāo ke in nanhe hāthoñ par chhāle haiñ

chhoTū ho kar bhī is ghar ko bas ham hī paale haiñ

aise hī dūsre hāthoñ meñ khilaunoñ ne ko dekhā hai

par dekho ham par qismat ne kaisā patthar pheñkā hai

kyā lagtā hai tum ko ham ne bahut khelā hai

sab in hāthoñ ne bas kaam kā bojh jhelā hai

is zindagī kā pahiya to yahī par hī jaam hai

merī zindagī meñ bas ek yahī kaam hai

aur jānte ho chhoTū merā naam hai

chae khana bartan bhanDe

saf karna jo hain gande

bas yahi mera kaam hai

aur jaante ho chhoTu mera nam hai

ghar ka akela laDka hun baqi sab laDki hain

chaar bachchon sang bin man ke is ghar mein kaDki hai

man ke peT mein hi mera sauda kiya tha

baba ne mere dam par qarz chukta kiya tha

banaya mujh ko bandhua mazdur

kaam karne ko kiya majbur

sukh to dekho koson dur

kahan se aae chehre par nur

paDhna likhna to chhoDo yahan khane ke lale hain

aise na ghabrao ke in nanhe hathon par chhaale hain

chhoTu ho kar bhi is ghar ko bas hum hi pale hain

aise hi dusre hathon mein khilaunon ne ko dekha hai

par dekho hum par qismat ne kaisa patthar phenka hai

kya lagta hai tum ko hum ne bahut khela hai

sab in hathon ne bas kaam ka bojh jhela hai

is zindagi ka pahiya to yahi par hi jam hai

meri zindagi mein bas ek yahi kaam hai

aur jaante ho chhoTu mera nam hai