chhuTTi ka din

agar raat aur sub.h meñ farq koī nahīñ hai

havā meñ parindoñ ke TuuTe hue par

bikharne lage haiñ

zamīnoñ pe ahkām ke lambe chābuk se

tārīḳh-dāñ apnī gardan jhukā.e hue haiñ

nasīboñ kī āvāz meñ vaqt Dhalne lagā hai

to phir!

nazm likhne kī ḳhvāhish

gunahgār insāf ke faisloñ se zyāda barī to nahīñ hai

agar mausamoñ kī ragoñ meñ lahū jam gayā hai

shikārī kī āñkhoñ meñ bārūd jalne lagā hai

dinoñ ke tamavvuj meñ

sūraj kā chehra utarne lagā hai

to phir

saañs lene kī ḳhvāhish

naqab-zan kī dhamkī se zyāda barī to nahīñ hai

mujhe nazm likhne do

aur saañs lene do

kuchh der apnī kamānoñ ko nīchā karo

aaj chhuTTī kā din hai

agar raat aur subh mein farq koi nahin hai

hawa mein parindon ke TuTe hue par

bikharne lage hain

zaminon pe ahkaam ke lambe chabuk se

tariKH-dan apni gardan jhukae hue hain

nasibon ki aawaz mein waqt Dhalne laga hai

to phir!

nazm likhne ki KHwahish

gunahgar insaf ke faislon se zyaada bari to nahin hai

agar mausamon ki ragon mein lahu jam gaya hai

shikari ki aankhon mein barud jalne laga hai

dinon ke tamawwuj mein

suraj ka chehra utarne laga hai

to phir

sans lene ki KHwahish

naqab-zan ki dhamki se zyaada bari to nahin hai

mujhe nazm likhne do

aur sans lene do

kuchh der apni kamanon ko nicha karo

aaj chhuTTi ka din hai