ilm

ilm ik aisī daulat hai

koī baañT na is ko paa.e

koī chhāñT na is ko paa.e

har-sū us kī dhaak hai aisī

koī DaañT na is ko paa.e

ilm ik aisī daulat hai

is se adnā hotā aalā

hotā hai past is se baalā

chāhe gorā ho yā kaalā

is se bantā vo rakhvālā

ilm ik aisī daulat hai

is se mat rahnā tum khīñche

rakhtā hai jo is ko bheñche

aage vo sab is ke pīchhe

har ūñchā.ī is ke nīche

ilm ik aisī daulat hai

ilm hai ḳhaas in.ām-e-qudrat

nahīñ hai is se baḌh kar ne.amat

is se saarī shān-o-shaukat

is se azmat is se shohrat

ilm ik aisī daulat hai

is daulat ko paao bachcho

aapas meñ phailāo bachcho

ūñchā naam kamāo bachcho

sab ko ye batlāo bachcho

ilm baḌī ik daulat hai

ilm ek aisi daulat hai

koi banT na is ko pae

koi chhanT na is ko pae

har-su us ki dhak hai aisi

koi DanT na is ko pae

ilm ek aisi daulat hai

is se adna hota aala

hota hai past is se baala

chahe gora ho ya kala

is se banta wo rakhwala

ilm ek aisi daulat hai

is se mat rahna tum khinche

rakhta hai jo is ko bhenche

aage wo sab is ke pichhe

har unchai is ke niche

ilm ek aisi daulat hai

ilm hai KHas inam-e-qudrat

nahin hai is se baDh kar neamat

is se sari shan-o-shaukat

is se azmat is se shohrat

ilm ek aisi daulat hai

is daulat ko pao bachcho

aapas mein phailao bachcho

uncha nam kamao bachcho

sab ko ye batlao bachcho

ilm baDi ek daulat hai