چور سپاہی

پاکٹ اڑا کے چور کوئی بھاگتا ہوا

اک روز اک پولس کے شکنجے میں آ گیا

یہ سوچ کر کہ غیر اڑاتا ہے مال تر

فوراً غریب چور کے پیچھے نکل پڑا

آواز دے کے اس سے کہا اے میاں رکو

جاتے کہاں ہو مال لیے اپنے باپ کا

سن کر صدا سپاہی کی وہ چور چونک کر

رفتار اور تیز کی اور دوڑتا رہا

یہ سوچ کر کہ چور مری مانتا نہیں

غصے میں بھر کے اور بھی وہ سرخ ہو گیا

کہنے لگا کہ خود کو سمجھتا ہے کیا رنر

ہرگز نہ میرے ہاتھ سے تو بچ کے جائے گا

تجھ کو دکھاؤں آج میں ہوتی ہے کیا رننگ

چل جائے گا تجھے بھی پتہ چیز ہوں میں کیا

پیچھا کیا جو چور کا پولس نے دوڑ کر

جوش جنوں میں چور کے آگے نکل گیا