circus aaya

aḳhbāroñ ne shor machāyā

circus aayā circus aayā

phir circus kī dhuum machī hai

shohrat us kī ḳhuub huī hai

galiyoñ galiyoñ shor hai us kā

har jānib phir zor hai us kā

ghar ghar hai circus kā charchā

machal paḌā hai bachcha bachcha

aao bachcho circus dekheñ

ab ke kitnā hai ras dekheñ

kaun hai kitnā chaukas ab ke

kaun hai kitnā bebas ab ke

suiT pahan kar hāthī aa.e

ghoḌe ban kar sāthī aa.e

hirnī bhī saj dhaj ke aa.ī

aa kar dūlhan sī sharmā.ī

car chalāte chīte dekho

signal dete tote dekho

dance gad.he dikhlāne aa.e

TaTTū band bajāne aa.e

sher pe bakrī jhapaT rahī hai

taḳhta us kā ulaT rahī hai

chūhe ne bandūq chalā.ī

dekh ke billī bhī ghabrā.ī

bandar cricket khel rahe haiñ

rīchh kī bating jhel rahe haiñ

joker kā make-up to dekho

lutf bharī gap-shap to dekho

kaise sab ko hañsā rahe haiñ

kyā kyā kartab dikhā rahe haiñ

jump lagāte ḳhuub ye laḌke

nahīñ zarā bhī maut se Darte

fan meñ har laḌkī hai māhir

aag se guzrī peT kī ḳhātir

na.e na.e jab kartab dekho

ḳhuub bajāo taalī bachcho

khel anokhā hai circus kā

kaam nahīñ ye sab ke bas kā

Tolī ye fankāroñ kī hai

daad 'farāġh' uncle se lī hai

aKHbaron ne shor machaya

circus aaya circus aaya

phir circus ki dhum machi hai

shohrat us ki KHub hui hai

galiyon galiyon shor hai us ka

har jaanib phir zor hai us ka

ghar ghar hai circus ka charcha

machal paDa hai bachcha bachcha

aao bachcho circus dekhen

ab ke kitna hai ras dekhen

kaun hai kitna chaukas ab ke

kaun hai kitna bebas ab ke

suiT pahan kar hathi aae

ghoDe ban kar sathi aae

hirni bhi saj dhaj ke aai

aa kar dulhan si sharmai

car chalate chite dekho

signal dete tote dekho

dance gadhe dikhlane aae

TaTTu band bajaane aae

sher pe bakri jhapaT rahi hai

taKHta us ka ulaT rahi hai

chuhe ne banduq chalai

dekh ke billi bhi ghabrai

bandar cricket khel rahe hain

richh ki bating jhel rahe hain

joker ka make-up to dekho

lutf bhari gap-shap to dekho

kaise sab ko hansa rahe hain

kya kya kartab dikha rahe hain

jump lagate KHub ye laDke

nahin zara bhi maut se Darte

fan mein har laDki hai mahir

aag se guzri peT ki KHatir

nae nae jab kartab dekho

KHub bajao tali bachcho

khel anokha hai circus ka

kaam nahin ye sab ke bas ka

Toli ye fankaron ki hai

dad 'faragh' uncle se li hai