dawat

magar masrūfiyat itnī

ki fursat hī nahīñ miltī thī

tujh se baat karne kī

magar sad-shukr

mujh ko āj-kal fursat hī fursat hai

karūñ kyā ek muddat se

miirī ḳhvāhish hai hasrat hai

ki tujh se guftugū hotī

so ab aa jā kisī bhī din

kisī bhī vaqt

terā dil jahāñ chāhe

kisī jangal meñ chashme ke kināre

kisī parbat kisī sahrā

kisī gulshan meñ

vīrāne meñ bastī meñ

hujūm-e-kaif-o-mastī meñ

jahāñ bhī terā dil chāhe

nahīñ hargiz maiñ is qābil

magar phir bhī yahī kahtā hai merā dil

ai ḳhudā-e-lam-yazal

kahīñ ik baar mujh se mil

kahīñ ik baar mujh se mil

magar masrufiyat itni

ki fursat hi nahin milti thi

tujh se baat karne ki

magar sad-shukr

mujh ko aaj-kal fursat hi fursat hai

karun kya ek muddat se

meri KHwahish hai hasrat hai

ki tujh se guftugu hoti

so ab aa ja kisi bhi din

kisi bhi waqt

tera dil jahan chahe

kisi jangal mein chashme ke kinare

kisi parbat kisi sahra

kisi gulshan mein

virane mein basti mein

hujum-e-kaif-o-masti mein

jahan bhi tera dil chahe

nahin hargiz main is qabil

magar phir bhi yahi kahta hai mera dil

ai KHuda-e-lam-yazal

kahin ek bar mujh se mil

kahin ek bar mujh se mil