daftar kahani

roz hī mere jaise hazāroñ

mashaqqat bharī aag pī ke yahī sochte haiñ

ki ahdāf kā ye parinda kabhī haath aayā nahīñ

dūsroñ se kahīñ tez dauḌe haiñ lekin kabhī referē ne

hamāre liye jiit kā shādiyāna bajāyā nahīñ

kis liye daftaroñ meñ hamārī zamīñ par gul-e-mehrbānī

khile hī nahīñ

ya.anī darbār meñ har koī tund-ḳhūī se dekhe hameñ

ab to circus ke ye būzne bhī hameñ koī kartab sikhāne ko tayyār haiñ

un ko ġhībat se murdār khāne kī aadat purānī sahī

chāplūsī zamāne kī aadat sahī

vo nahīñ jānte ki agar khet tar pe aa.eñ to be-mausmī ghaas ugne lage

vo nahīñ jānte ki ḳhudā kī zamīñ dekh kar to badan se utarte haiñ mere

ye peḌāñ, ye atharv ye hānvāñ te haaḌe

unheñ to zabāñ se kisī dūsre ke rag-o-pai meñ bas apnā bish gholnā hai

kisī dūsre kī sadāqat pe taalā lagā ke

ḳhud apne liye jhuuT kā ek adnā jahāñ kholnā hai

purānī kahāvat meñ kāran the chālāk lomḌī jañgal ke sheroñ kī barbādiyoñ ke

magar daftarī dāstāñ ye alag hai ki

mardum-shanāsī ke māhir hameñ apnī sargoshiyoñ meñ to bāġhī qabīloñ ke sag mānte haiñ

magar vus.atoñ ke parinde hameñ apne taḳh.īl ke bāl-o-par mānte haiñ

ki bārah mahīnoñ kī ye jañg to masḳhare jiit hī jā.eñge

aur ham bhī na.ī aag piine ko jigarā nayā lā.eñge

roz hi mere jaise hazaron

mashaqqat bhari aag pi ke yahi sochte hain

ki ahdaf ka ye parinda kabhi hath aaya nahin

dusron se kahin tez dauDe hain lekin kabhi referee ne

hamare liye jit ka shadiyana bajaya nahin

kis liye daftaron mein hamari zamin par gul-e-mehrbani

khile hi nahin

yani darbar mein har koi tund-KHui se dekhe hamein

ab to circus ke ye buzne bhi hamein koi kartab sikhane ko tayyar hain

un ko ghibat se murdar khane ki aadat purani sahi

chaplusi zamane ki aadat sahi

wo nahin jaante ki agar khet tar pe aaen to be-mausmi ghas ugne lage

wo nahin jaante ki KHuda ki zamin dekh kar to badan se utarte hain mere

ye peDan, ye atharw ye hanwan te haDe

unhen to zaban se kisi dusre ke rag-o-pai mein bas apna bish gholna hai

kisi dusre ki sadaqat pe tala laga ke

KHud apne liye jhuT ka ek adna jahan kholna hai

purani kahawat mein karan the chaalak lomDi jangal ke sheron ki barbaadiyon ke

magar daftari dastan ye alag hai ki

mardum-shanasi ke mahir hamein apni sargoshiyon mein to baghi qabilon ke sag mante hain

magar wusaton ke parinde hamein apne taKHil ke baal-o-par mante hain

ki barah mahinon ki ye jang to masKHare jit hi jaenge

aur hum bhi nai aag pine ko jigara naya laenge