daldal

mirā zehn bantā chalā jā rahā hai ḳhayālāt-e-fāsid kī daldal

ki mahsūs hone lagā hai

mirī zindagī meñ rahegī hamesha havas kār-farmā

ho sarmā ki garmā

kabhī pyaas bujhtī nahīñ hai

piyūñ jitnī mai

fusūn-e-mulāqāt hai bā.is-e-be-qarārī

junūn-e-mulāqāt rahtā hai taarī

ki aksar mulāqāt hotī hai lekin mulāqāt ko jī tarastā hai paiham

ka.ī baar is kaifiyat par hañsā huuñ

hai ye kaisī daldal ki jis meñ phañsā huuñ

ubhartā huuñ maiñ is kī gahrā.ī se bhī

magar jaise phir Duub jaane kī ḳhātir

ġhazab hai havas kā ye kas-bal

mirā zehn bantā chalā jā rahā hai ḳhayālāt-e-fāsid kī daldal

mera zehn banta chala ja raha hai KHayalat-e-fasid ki daldal

ki mahsus hone laga hai

meri zindagi mein rahegi hamesha hawas kar-farma

ho sarma ki garma

kabhi pyas bujhti nahin hai

piyun jitni mai

fusun-e-mulaqat hai bais-e-be-qarari

junun-e-mulaqat rahta hai tari

ki aksar mulaqat hoti hai lekin mulaqat ko ji tarasta hai paiham

kai bar is kaifiyat par hansa hun

hai ye kaisi daldal ki jis mein phansa hun

ubharta hun main is ki gahrai se bhi

magar jaise phir Dub jaane ki KHatir

ghazab hai hawas ka ye kas-bal

mera zehn banta chala ja raha hai KHayalat-e-fasid ki daldal