dam-e-wapsin

mire nafs kī vādiyoñ meñ yahāñ se nikal chalne jaisī havā chal rahī hai

ufuq-tā-ufuq ik mahaktā dhuāñ hai

sadā zā.iqe rañg aur lams ḳhushbū meñ tahlīl hone lage haiñ

mah-o-sāl-e-rafta shab-o-roz-e-ā.inda lamhe meñ tabdīl hone lage haiñ

zamāñ ek sakta

makāñ ek nuqta

lakīreñ adad harf saare

nam-ālūd kāġhaz kī tarkīb meñ ghul rahe haiñ

qabā-e-badan sarsarātī hai asrār-e-jañ zer-e-band-e-qabā khul rahe haiñ

koī sarmadī lau sī uTThī hai jis se fazā jal rahī hai

havā chal rahī hai

mere nafs ki wadiyon mein yahan se nikal chalne jaisi hawa chal rahi hai

ufuq-ta-ufuq ek mahakta dhuan hai

sada zaiqe rang aur lams KHushbu mein tahlil hone lage hain

mah-o-sal-e-rafta shab-o-roz-e-ainda lamhe mein tabdil hone lage hain

zaman ek sakta

makan ek nuqta

lakiren adad harf sare

nam-alud kaghaz ki tarkib mein ghul rahe hain

qaba-e-badan sarsaraati hai asrar-e-jan zer-e-band-e-qaba khul rahe hain

koi sarmadi lau si uTThi hai jis se faza jal rahi hai

hawa chal rahi hai