Dar

kaise niklegā jīte-jī dil se Dar kā kā sāhib

kab ḳhauf kī vahshī galiyoñ meñ bhaTkī huī saa.at lauTegī?

kab andeshoñ ke saañp mire peḌoñ se lipaTnā chhoḌeñge?

sahme hue shabdoñ ko apne siine se lagā.e baiThī huuñ

kaise batlā.ūñ kyuuñ mujh ko din ke zahrīle hāthoñ se!

shāmoñ ke surḳh āseboñ se, rātoñ kī be-dil āñkhoñ se!

aur aas ke āThoñ pahroñ se!

Dar lagtā hai

ḳhvāboñ ke ran meñ paḌe hue ḳhvāhish ke adhūre jismoñ se

aur maan kī ruuh meñ gaḌe hue tar panjoñ se

jānī-pahchānī āñkhoñ meñ pinhāñ an-jānī vahshat se

rishtoñ ke mazbah-ḳhānoñ se

bandhan kī zinda lāshoñ se

Dar lagtā hai

is jism kī dīvāroñ meñ hai Dar kā ḳhasta gaarā sāhib

shīshe meñ raqsāñ sāyoñ se, sāñsoñ aur āvāzoñ se

pal pal meñ badalte rañgoñ se! Dar lagtā hai

.........ñiilī paḌ jaatī huuñ sāhib

chehre kī piilī rañgat ko kab tak maiñ chhupā.ūñ ġhāze meñ?

kaise niklega jite-ji dil se Dar ka ka sahib

kab KHauf ki wahshi galiyon mein bhaTki hui saat lauTegi?

kab andeshon ke sanp mere peDon se lipaTna chhoDenge?

sahme hue shabdon ko apne sine se lagae baiThi hun

kaise batlaun kyun mujh ko din ke zahrile hathon se!

shamon ke surKH aasebon se, raaton ki be-dil aankhon se!

aur aas ke aaThon pahron se!

Dar lagta hai

KHwabon ke ran mein paDe hue KHwahish ke adhure jismon se

aur man ki ruh mein gaDe hue tar panjon se

jaani-pahchani aankhon mein pinhan an-jaani wahshat se

rishton ke mazbah-KHanon se

bandhan ki zinda lashon se

Dar lagta hai

is jism ki diwaron mein hai Dar ka KHasta gara sahib

shishe mein raqsan sayon se, sanson aur aawazon se

pal pal mein badalte rangon se! Dar lagta hai

nili paD jati hun sahib

chehre ki pili rangat ko kab tak main chhupaun ghaze mein?