Dar

phaTī phaTī sī nigāhoñ se tak rahe the sabhī

naseñ tanī thiiñ rag-e-jāñ phaḌak rahī thī

achānak diloñ kī dhaḌkaneñ

sar meñ dhamakne lagtī thiiñ

qutub-numā na koī bād-numā aur na murġh-e-bād-numā

havā.eñ āñdhiyāñ tūfān barf-o-bārāñ

tamām ahl-e-sifat ashk-shoī karte rahe

vo 'ārifāna tajāhul

du'ā-e-ḳhair

ḳhud-kushī thī ki dānista iḳhtināq ab kise mā'lūm

batā rahā hai magar aaj kā āsār farosh

sabhī ko ḳhauf thā ifshā-e-rāz kā varna

añdherā dhul jaatā

pukārtā koī sim-sim

to dar bhī khul jaatā

phaTi phaTi si nigahon se tak rahe the sabhi

nasen tani thin rag-e-jaan phaDak rahi thi

achanak dilon ki dhaDkanen

sar mein dhamakne lagti thin

qutub-numa na koi baad-numa aur na murgh-e-baad-numa

hawaen aandhiyan tufan barf-o-baran

tamam ahl-e-sifat ashk-shoi karte rahe

wo 'arifana tajahul

du'a-e-KHair

KHud-kushi thi ki danista iKHtinaq ab kise ma'lum

bata raha hai magar aaj ka aasar farosh

sabhi ko KHauf tha ifsha-e-raaz ka warna

andhera dhul jata

pukarta koi sim-sim

to dar bhi khul jata