dars-e-amal

uTTho qadam qadam se milāte chale chalo

sab mil ke ek raah banāte chale chalo

manzil kī dhun meñ jhūmte gaate chale chalo

har marhale ko sahl banāte chale chalo

ban kar ghaTā fazāoñ pe chhāte chale chalo

har har qadam pe dhuum machāte chale chalo

tafrīq-e-rang-o-nasl miTāte chale chalo

insāniyat kī shaan dikhāte chale chalo

aage baḌho ruko na kisī rahguzār par

har dam safar kā lutf uThāte chale chalo

māyūsiyoñ meñ chheḌ do naġhme umiid ke

tārīkiyoñ meñ jot jagāte chale chalo

TuuTe hue diloñ ko mohabbat se joḌ do

jauhar amal ke apne dikhāte chale chalo

dhartī bhī jagmagā uThe ākās kī tarah

rātoñ meñ vo charāġh jalāte chale chalo

chamko gagan ke tāroñ kī sūrat zamīn par

tum āsmāñ zamīñ ko banāte chale chalo

patjhaḌ kī rut meñ phuul khilānā kamāl hai

patjhaḌ kī rut meñ phuul khilāte chale chalo

badle ḳhizāñ 'nazīr' chaman meñ bahār se

vo giit zindagī ke sunāte chale chalo

uTTho qadam qadam se milate chale chalo

sab mil ke ek rah banate chale chalo

manzil ki dhun mein jhumte gate chale chalo

har marhale ko sahl banate chale chalo

ban kar ghaTa fazaon pe chhate chale chalo

har har qadam pe dhum machate chale chalo

tafriq-e-rang-o-nasl miTate chale chalo

insaniyat ki shan dikhate chale chalo

aage baDho ruko na kisi rahguzar par

har dam safar ka lutf uThate chale chalo

mayusiyon mein chheD do naghme umid ke

tarikiyon mein jot jagate chale chalo

TuTe hue dilon ko mohabbat se joD do

jauhar amal ke apne dikhate chale chalo

dharti bhi jagmaga uThe aakas ki tarah

raaton mein wo charagh jalate chale chalo

chamko gagan ke taron ki surat zamin par

tum aasman zamin ko banate chale chalo

patjhaD ki rut mein phul khilana kamal hai

patjhaD ki rut mein phul khilate chale chalo

badle KHizan 'nazir' chaman mein bahaar se

wo git zindagi ke sunate chale chalo