dars-e-mohabbat

dost milā thā tujh ko kaisā haif itnā bhī yaad nahīñ

jaan fidā kartā thā jis par dil meñ us kī yaad nahīñ

gardish-e-daurāñ ne jab us ko aah shikasta-hāl kiyā

dekh kar us ke hāl-e-zabūñ ko tū ne kuchh na malāl kiyā

kaun shikasta-hāl kahāñ hai ye bhī dhyān aayā na tujhe

aah tasavvur ne aise mohsin ke taḌpāyā na tujhe

paas thā apne qaul kā jis ko tū ne kuchh us kā paas kiyā

āmad-o-raft-e-derīna kā bhuul ke bhī ehsās kiyā

us ke dard se vāqif ho kar tū ne ḳhabar kyā lī us kī

qarz mohabbat jaan ke dil se kyā koī ḳhidmat kī us kī

dil tere us dost kā nāhaq vaqf-e-sahar-e-lisānī thā

merī samajh meñ ab aayā vo jam-o-ḳharch zabānī thā

nādāñ insān terī daulat tere saath na jā.egī

lailā-e-matlab duur rahegī tere paas na aa.egī

hasr faqat tujh hī par kiyā hai tū hī ik zar-dost nahīñ

dost bahut milte haiñ lekin un meñ aksar dost nahīñ

dost nahīñ jo naam kī ḳhātir apne dost ke kaam aa.e

dost vo hai logoñ kī zabāñ par jis kā misālan naam aa.e

dost mila tha tujh ko kaisa haif itna bhi yaad nahin

jaan fida karta tha jis par dil mein us ki yaad nahin

gardish-e-dauran ne jab us ko aah shikasta-haal kiya

dekh kar us ke haal-e-zabun ko tu ne kuchh na malal kiya

kaun shikasta-haal kahan hai ye bhi dhyan aaya na tujhe

aah tasawwur ne aise mohsin ke taDpaya na tujhe

pas tha apne qaul ka jis ko tu ne kuchh us ka pas kiya

aamad-o-raft-e-derina ka bhul ke bhi ehsas kiya

us ke dard se waqif ho kar tu ne KHabar kya li us ki

qarz mohabbat jaan ke dil se kya koi KHidmat ki us ki

dil tere us dost ka nahaq waqf-e-sahar-e-lisani tha

meri samajh mein ab aaya wo jam-o-KHarch zabani tha

nadan insan teri daulat tere sath na jaegi

laila-e-matlab dur rahegi tere pas na aaegi

hasr faqat tujh hi par kiya hai tu hi ek zar-dost nahin

dost bahut milte hain lekin un mein aksar dost nahin

dost nahin jo nam ki KHatir apne dost ke kaam aae

dost wo hai logon ki zaban par jis ka misalan nam aae