daryaft

kyā tum vo udāsī duur kar sakte ho

jo saare aa.ine toḌ dene ke baad

dīvāroñ meñ ghus jaatī hai

kyā tum vo dhuāñ bāhar nikāl sakte ho

jo saarī tasāvīr jalāne ke baad

halaq meñ bhar jaatā hai

kyā tum us gul-dān ko joḌ sakte ho

jo kisī jaane vaale ne haath se girā diyā ho

kyā tum vo āvāzeñ vāpas lā sakte ho

jo kisī moḌ ke āġhāz par ġhā.eb ho jaatī haiñ

kyā tum koī aisī chiiz

ījād kar sakte ho

jis se maiñ daryāft kar lī jā.ūñ

kya tum wo udasi dur kar sakte ho

jo sare aaine toD dene ke baad

diwaron mein ghus jati hai

kya tum wo dhuan bahar nikal sakte ho

jo sari tasawir jalane ke baad

halaq mein bhar jata hai

kya tum us gul-dan ko joD sakte ho

jo kisi jaane wale ne hath se gira diya ho

kya tum wo aawazen wapas la sakte ho

jo kisi moD ke aaghaz par ghaeb ho jati hain

kya tum koi aisi chiz

ijad kar sakte ho

jis se main daryaft kar li jaun