dasht-e-taKHayyul ki nafi

mujhe dasht-e-taḳhayyul kā safar karnā agar aatā

tavāf-e-ka.aba kartā, zindagī ko samt mil jaatī

sahīfe dil ke sab bikhre hue mere sañvar jaate

ġham-o-ālām mere bhii,

ġhubār-e-rāh ban jaate

mujhe dasht-e-taḳhayyul kā safar karnā agar aatā

tazādāt ab jo paidā haiñ, vo paidā hī nahīñ hote

kahīñ kunj-e-sukūñ misl-e-madīna mujh ko mil jaatā

mujhe dasht-e-taḳhayyul kā safar karnā agar aatā

jinheñ dasht-e-taḳhayyul kā safar karnā bhī aatā hai

havā ke dosh par uḌte haiñ misl-e-gard-e-āvāra

gidhoñ kā jhunD ki mañDlā rahā ho jaise murdoñ par

mujhe dasht-e-taḳhayyul kā safar karnā nahīñ aatā

nahīñ aatā to achchhā hai, nahīñ aa.e to achchhā hai

mujhe dasht-e-taKHayyul ka safar karna agar aata

tawaf-e-kaba karta, zindagi ko samt mil jati

sahife dil ke sab bikhre hue mere sanwar jate

gham-o-alam mere bhi,

ghubar-e-rah ban jate

mujhe dasht-e-taKHayyul ka safar karna agar aata

tazadat ab jo paida hain, wo paida hi nahin hote

kahin kunj-e-sukun misl-e-madina mujh ko mil jata

mujhe dasht-e-taKHayyul ka safar karna agar aata

jinhen dasht-e-taKHayyul ka safar karna bhi aata hai

hawa ke dosh par uDte hain misl-e-gard-e-awara

gidhon ka jhunD ki manDla raha ho jaise murdon par

mujhe dasht-e-taKHayyul ka safar karna nahin aata

nahin aata to achchha hai, nahin aae to achchha hai