dayar-e-watan

ye hai merā vatan tumhārā vatan

jān-o-dil se hameñ hai pyārā vatan

har amal se ayaañ ho hubb-e-vatan

ye hai merā vatan tumhārā vatan

jaan de kar sañvārnā hai ise

zabt-e-ġham se nikhārnā hai ise

bhūlnā tum nahīñ baḌoñ kā chalan

ye hai merā vatan tumhārā vatan

har ḳhushī ko nisār karnā hai

har jagah gul-bahār karnā hai

sab ke dil meñ sajā.e rakhnā lagan

ye hai merā vatan tumhārā vatan

behtarī kā sabab hai sab ke liye

rahbarī kā sabab hai sab ke liye

ye hai baaqī to dil haiñ sab ke magan

ye hai merā vatan tumhārā vatan

tere aslāf kī nishānī hai

is se vābasta zindagānī hai

chāñd taare ko lag na jaa.e gahan

ye hai merā vatan tumhārā vatan

yahī pahchān hai musalmāñ kī

izzat-e-nafs hai musalmāñ kī

hai diloñ kā sahārā saarā chaman

ye hai merā vatan tumhārā vatan

ḳhūn-e-dil se jalā.e ham ne charāġh

bebasī ke milā diye sab daaġh

raah dushvār marhale the kaThin

ye hai merā vatan tumhārā vatan

paak ho jazba-e-nihāñ apnā

ye hai apnā to hai jahāñ apnā

is kī peshānī par na aa.e shikan

ye hai merā vatan tumhārā vatan

Dar na jaanā kahīñ zamāne se

ḳhauf khānā nahīñ zamāne se

raah meñ aa.eñ chāhe ranj-o-mehan

ye hai merā vatan tumhārā vatan

is kī har baat har adā is kī

gūñjtī jā.egī sadā is kī

yaad rakhnā sadā hamārā suḳhan

ye hai merā vatan tumhārā vatan

ye hai mera watan tumhaara watan

jaan-o-dil se hamein hai pyara watan

har amal se ayan ho hubb-e-watan

ye hai mera watan tumhaara watan

jaan de kar sanwarna hai ise

zabt-e-gham se nikhaarna hai ise

bhulna tum nahin baDon ka chalan

ye hai mera watan tumhaara watan

har KHushi ko nisar karna hai

har jagah gul-bahaar karna hai

sab ke dil mein sajae rakhna lagan

ye hai mera watan tumhaara watan

behtari ka sabab hai sab ke liye

rahbari ka sabab hai sab ke liye

ye hai baqi to dil hain sab ke magan

ye hai mera watan tumhaara watan

tere aslaf ki nishani hai

is se wabasta zindagani hai

chand tare ko lag na jae gahan

ye hai mera watan tumhaara watan

yahi pahchan hai musalman ki

izzat-e-nafs hai musalman ki

hai dilon ka sahaara sara chaman

ye hai mera watan tumhaara watan

KHun-e-dil se jalae hum ne charagh

bebasi ke mila diye sab dagh

rah dushwar marhale the kaThin

ye hai mera watan tumhaara watan

pak ho jazba-e-nihan apna

ye hai apna to hai jahan apna

is ki peshani par na aae shikan

ye hai mera watan tumhaara watan

Dar na jaana kahin zamane se

KHauf khana nahin zamane se

rah mein aaen chahe ranj-o-mehan

ye hai mera watan tumhaara watan

is ki har baat har ada is ki

gunjti jaegi sada is ki

yaad rakhna sada hamara suKHan

ye hai mera watan tumhaara watan